2004-02-14
legh wamwI'pu' boSwI'pu' je
SuD Doq qoj ghovmeH laH qellu'DI' be' nIv law' loD nIv puS net Sov. net Sovchu''a'? ngerwIj vIQullI' 'a Do'Ha' ngerwIj Qaw'law'lI' ngoD moH. Prathet taiDaq ngong ta' tejpu' 'ej roghvaHchajvaD nIv loDpu' jatlh. ghItlh การตรวจสอบการแยกแยะสีในคนไทย vIlaDlaHbe'. wej ngerwIj vIlon. vIQulta'DI' vIDel.
wIghoSbej
wuqlu'chu'ta'. muD Duj chaw' luje'lu'ta'. Festival de Cannes wIghoSbej. muHaghmoH ghu' 'ach qaS. wej muchmaj De' vISov. <Earthlings> (tera'nganpu') 'oHlaw' much pong'e' 'a tlhIngan Hol jatlhwI'pu' qelbe'
Earthlings vISamlaHbogh. Ha'DIbaH DISopbogh qel. muchvetlh tu'DI' loDnalwI' SeychoH. jatlh <<muchvamvaD Dutlhejbej'a' Pamela Anderson jay'?>> vItungnIS 'e' vIpay.
Earthlings vISamlaHbogh. Ha'DIbaH DISopbogh qel. muchvetlh tu'DI' loDnalwI' SeychoH. jatlh <<muchvamvaD Dutlhejbej'a' Pamela Anderson jay'?>> vItungnIS 'e' vIpay.
2004-02-13
nuqel Delaware News
Cannes De' vInejtaHvIS qep'a' wa'maHDIch wanI'mey Delbogh ghItlhHomvam vItu'. qar De'. mu'meywIj mughlu'pu'bogh vIlaDDI', Huj mu'meywIj. qaStaHvIS qep'a''e' tlhIngan Hol neH vIjatlh'e' vImaqba' 'a vIlaDDI' Hujlaw' mu'mey. maghwI' ghaH mughwI''e' net Sov.
yagh ramchu' 'oH bo logh'e'
qo' yIn pat rurchugh QonoS pat, vaj yagh ramchu' 'oH bo logh'e' jatlh Truth Laid Bear. patlh Soch SanID jav vatlh cha'maH chorghDIch vI'uchlaw'.
2004-02-12
Qugh Ha'DIbaH tIghuSmoH!
DaHjaj po jInajlI'. yoS SoDlI' bIQ 'ej SaghtaHvIS roghvaH, ghu' SaHqu'. pay' Sup wa' be'. Supqu', tlhoS puv. naghDaj DungDaq DeSDu' SIch -- bIQ 'ovwI' rur, 'a bIQDaq Supbe'. ghor lamDaq Sup. SIbI' ghor bIngDaq lu'el ghopDu', DeSDu', nach, volchaH, ro, Sa'Hut, qIvDu' je. ratlh 'uSDu' 'ay' qamDu' je neH. jIyay', ghIq poS ghor 'ej Qarghvo' nargh Ha'DIbaHmey. ghor bIngDaq loSlaw'ta'. pa' mo'chaj leghlu'. ghuSmoHlaw'ta' vay'. pawDI' Ha'DIbaHmey majotchoH. nutoD 'e' luHechba'.
jIvemDI' loDnalwI'vaD ghu' vIDel. ghuSmoHta' 'Iv matlhobchuq. Qu' ta'meH Ha'DIbaHvam chay' Data'rupmoH 'e' SIv loDnalwI'. Say'nISmoHlu' 'e' wuq. chaHvaD QumwI'mey nobnISlu'. jatlh <<What else might you need to prepare disaster goats for deployment?>> SIbI' tlhaQ mu'tlhegh 'a latlh Doch vItu'. ghaHvaD jIjatlh ghaytan not qaStaHvIS DIvI' Hol qun mu'tlheghvetlh jatlhpu' vay', 'ach DalIngchu' 'ej vIyajchu'. pIj, chaq Hoch jaj, mu'tlhegh chu'qu' DIjatlh, 'a rut Datu'.
jIvemDI' loDnalwI'vaD ghu' vIDel. ghuSmoHta' 'Iv matlhobchuq. Qu' ta'meH Ha'DIbaHvam chay' Data'rupmoH 'e' SIv loDnalwI'. Say'nISmoHlu' 'e' wuq. chaHvaD QumwI'mey nobnISlu'. jatlh <<What else might you need to prepare disaster goats for deployment?>> SIbI' tlhaQ mu'tlhegh 'a latlh Doch vItu'. ghaHvaD jIjatlh ghaytan not qaStaHvIS DIvI' Hol qun mu'tlheghvetlh jatlhpu' vay', 'ach DalIngchu' 'ej vIyajchu'. pIj, chaq Hoch jaj, mu'tlhegh chu'qu' DIjatlh, 'a rut Datu'.
2004-02-11
yajmeH laH
napHa'bej Hol. DaHjaj 'orwI' laH vI'olmeH mapuv. 'orlaHbej, 'um, QumlaHbej 'a pIj DujDaj pongmeH mI' Qoybe'. rI'DI' SeHwI', tu'be'. vIqotlh 'a meqwIj ghovbe'. rI'qa'DI' SeHwI' chaq Qoy, 'a Qob ghu'. nIteb puv 'e' wIchaw' 'e' wuq pInwI', 'a ghojwI' mIch neH ghoS 'e' wIchaw'. ghu' laj.
Daj yajbe'meH mIw. chIjmeH buSqu'taHvIS Qoybe'. Qapchu'ba' teSDu' 'a qImbe'mo' yaD, mu'mey yajbe'.
not Qu' Data'pu'chugh, DaghojtaHvIS yablIjDaq chen He puS. QU' ta'laH Hoch He, 'a puSmo' tugh loj yab QummeH Hap. reH Qu' Data'taHchugh, vaj chenpu' He law' 'ej not Qop HeDu'. 'ach Qu' chu' yajtaHvIS wa' He neH, jeSlaw' Hoch yab. jeSqu'mo' Qoybe'. wanI'vam Qulbogh ngong vItu' vIneH. ghaytan tu'lu'. vInejnIS.
Daj yajbe'meH mIw. chIjmeH buSqu'taHvIS Qoybe'. Qapchu'ba' teSDu' 'a qImbe'mo' yaD, mu'mey yajbe'.
not Qu' Data'pu'chugh, DaghojtaHvIS yablIjDaq chen He puS. QU' ta'laH Hoch He, 'a puSmo' tugh loj yab QummeH Hap. reH Qu' Data'taHchugh, vaj chenpu' He law' 'ej not Qop HeDu'. 'ach Qu' chu' yajtaHvIS wa' He neH, jeSlaw' Hoch yab. jeSqu'mo' Qoybe'. wanI'vam Qulbogh ngong vItu' vIneH. ghaytan tu'lu'. vInejnIS.
2004-02-10
Inuktitut pIqaD
muvuQ Inuktitut pIqaD qun. latlh HolvaD pIqaD 'ogh lalDan ghojmoHwI' 'ej lI'qu'mo' nom ghojlu'. pImmo' Inuktitut loQ choHnISlu' 'a 'IH.
2004-02-08
SapwI'wI'
wa'Hu' DaHjaj je <QeD qo'>Daq jISap. puqpu'vaD muD Dujmey DIQIj. muboQmeH 'orwI' puS vImuvnISmoH 'a Sapqang pagh. SapwI'pu' vInejmeH Air Canada beqpa' vIghoS. tagha' Sap wa'. Darryl Sorensen 'oH pongDaj'e', 'ej pawDI' tep qeng. <qatlh tepvetlh qeng?> jISIv. lengbe'ba'. poSmoH 'ej 'aH 'ang. puqpu'vaD HumwI'mey, paqHommey, qengta'. mutoD! Hol qelbe' QonoSHomvam 'a Dunmo' Darryl vIjatlh vIneH.
Cannes
chollaw' leng DIch. jIyay'qu'mo' jIqonlaHbe'. Cannes'e' jay'!
